Осы күндері Александр Асанов атындағы ату клубының базасында өтіп жатқан стенд атудан Әлем кубогындағы жарқын жеңісінен кейін Алматы облысының мақтанышы, дарынды спортшы Әсем Орынбайға өңір меценаттары қытайлық Li Auto (Lixiang) маркалы жаңа автокөліктің кілтін табыстады. Салтанатты марапаттау рәсіміне Алматы облысының әкімі Марат Сұлтанғазиев қатысты.Әсемнің жоғары жетістігі бүкіл өңір үшін үлкен мақтанышқа айналды. Спортшының басты жетістігі әйелдер арасындағы «скит» бағдарламасында алтын медаль жеңіп алуы болды. Финалда Әсем Орынбай 33 нысананы дәл көздеп, бірінші орынды иеленіп қана қоймай...